Abwaanno Internet-ka Ka Bilaabay Silsilad SHIINLEY Ah Oo Sawir Ka Bixinaysa Nolosha Shacabka & Xiisaha Qaybta 3-aad Ee Maanta

0
Sunday 5th March 2017 13:04:19 in Wararka by Super Admin
  • Visits: 457
  • (Rating 0.0/5 Stars) Total Votes: 0
  • 0 0
  • Share via Social Media

    Abwaanno Internet-ka Ka Bilaabay Silsilad SHIINLEY Ah Oo Sawir Ka Bixinaysa Nolosha Shacabka & Xiisaha Qaybta 3-aad Ee Maanta

    Hargeysa (Haleel) – Waxa Baraha Bulshada ku kulanto ee Internet-ka, sida Facebook ka bilaabantay Silsiladan

    Share on Twitter Share on facebook Share on Digg Share on Stumbleupon Share on Delicious Share on Google Plus

data-ad-slot="6963869434">
Hargeysa (Haleel) – Waxa Baraha Bulshada ku kulanto ee Internet-ka, sida Facebook ka bilaabantay Silsiladan SHIINLEYDA, taasi oo ka dhalatay meerisyo kooban uu abwaan Sidiiq Maxamed Burmad kaga hadlayay shirarka jaraa’id ee sida ujeeddo la’aanta maalin walba loogu qabto Magaalooyinka Somaliland.

SAwirka Taxanaha AbwaannadaWarka Abwaannada waxayse taxane maansooyin Silsilad ah isku beddeshay markii Abwaan Xasan Saleebaan Dhuxul (Laab-saalax) uu kaga jawaabay maansada ugu horaysa maansooyinka halkan aanu ku soo ururinay.

Maansada Laab-saalax waxay abuurtay in Abwaano badan iyo dhalinyaro jecel inay wax abuuraanba kasoo jawaabaan.


Sidaasi darteed, Akhristayaal waxaanu Cadadkii Khamiistii idiinku soo gudbinay Maansooyinkii ay Silsiladdan kaga qayb-galeen Saddex Abwaan, Cadadkana waxaanu idiinku soo gudbinaynaa qaar ka kale oo ka mid ah Maansooyinka ay Silsiladdan Dalkeenna Xaaladdiisa ka hadlaysa ay kaga qayb-qaateen Abwaannada kale, waxayna qaybta Maantu inoogu bilaabmaysaa sidan:-

Abwaan Sulub Sh Maxmuud •oo ah Qofkii Toddobaad ee Silsiladdan ka qayb-qaata, ayaa yidhi:-

Xasanow shuruudiyo

Kala sheegan hadalkuye

Shaan dhee ujeedada

Adigoon wax sheelayn

shuqulkiyo shabaag taba

Haday shicibku moogyiin

Shaki kama aloosmeen

Sheekooyin kii dhacay

Shirabkiyo waxqabadkuna

shaan shaan intuu yahay

waasheed ka,daalaco

Hadalada shalaal ka ah

Shax shax iyo shirbuuq buuq

Waxma shaafiyaayee

Shaaracu ha muuqdee

Shilisaa warkeenani

Tiifiigu wariyaa

Damiirkii shirqool baa

Shafka loogu xidhayoo

Ma sharaysto shicibkii

Hadduu shilinku maamulay

Shaxaad kaaba loo shiray

Garashaduna waasheed

Aan shirabo ujeedada

Shiishkaygu daarane

Xasanow shaxdaa gabay

Adaa soo shirabayoo

shaaraca dhex keenaye

Ma shaan dheeyay aniguna

Garashadii shiraaqnayd.

…………………………….

Abwaan Sakariye Jaamac Muuse, ayaa isaguna yidhi:-

Hadalkiinu yuu shiikhin

Yaan shaadhka laga saarin

Yaan shiishka laga weecin

Sheekadu halkay joogto

Shaxda yaan la wada fiirsan

Dadku yaanay wada shuuqsan

Cid kastaaba shaashaynin

Shinbiruu ka qayb qaadan

Marka aad shir doonayso

Kaligaa in aad shawrto

Shacabkoo dhan ha u sheegin

Shamac yaaan la wada daaran

Ha shukulin galay shiidan

Adoon shaandhadii haysan

Shiraaq laguma kala haadsho

Shaadh looma dhigo heeda

Shiidku yaanu kaaa gaaban

Shiishku yaanu kaa weecan

Adoo rabay shariim hoose

Dadka inad u wada sheegto

Sharka haysku soo leexin

Shubka sare ha soo duminin

Shini haysku kaa kicinin

Shalay malabki laga qaatay

Si laguula kala Shiilo

Abwaanadu u shaandhayso

Shiinku waa halkeer dhawe

Erayada shishaaa fiican

Dadka inaad wax ugu sheegto

Adigoo shar diidaaya

Adoo tuugo sheegaaya

Shilimaadka guranayaa

Sheekh ilaahay adigoo ah

Shacabkana u doodaaya

Haddaad shiishka garan waydo

Sharaxaadu kaa baydho

Adigaa shil gali doona

Shalaw buur ka odhan doona

Dadeed shib odhan doona

Shaxdu si ay u waynaato

Shaqalkuna u fiicnaado

Waar shiinkan naga daaya

Oo sheeko kale keena

……………………………..

Abwaan Mustafe Xasan Cabdillahi, ayaa isaguna Maansadiisa ku bilaabay sidan:-

Dab lashiday kulay keen

Shax la degay irmaan dhal

Dayaxuna shinkiisii

Isagoon shucaac qabin

Shamsa noqoy nurkiisii

Shimbirkiyo ugaadhii

Shanqadh daaye waayadan

Shabagii sakaarada

Dalaq yidhi shabeelkii

Sharaf dhimatay waayeel

Shilin noqoy hankiisii

Shacabkuna damiirkii

Sharci noqoy wixii uu

Ka diddaayey shalayto

Aniguna shilkaa dhcay

Anfariir shantaa dhaban

Yaabkii ku shaanbee!

Shirkan ay abwaanadu

Shiinlay ka curiyeen

Ninba maankiis shiilyoo

Shookaanta maansada

Hadba meel ku shiishye

Waa su’aale sheekhow

Shakibaabay igalisee

Dowladnimo ma shaadhbaa?

Suudh iyo shaxaadbaa?

Danyaraha shiddeeyoo

Shaanshadooda loogba?

Wankii shilisba waayadan

Sheekhii bireeyee

Badhidiyo shariiryaha

Subagiisa shiilee

Haamaha ku shubaya

Ma siyaasi sheegbaa?

Waa maxay sharkani dhacay?

Ee shishe la eegayn..”

Akhristayaal, Maaddaama oo Silsiladdan Shiinleyda ahi weli socoto oo aanay is-taagin halkaas ayaanu ku soo gebogabaynaynaa intii aanu ugu Talo-galnay inaanu idiin soo gudbinno.



Himilo